Читать «Тутэйшыя» онлайн - страница 31
Янка Купала
ДАМА. Амэрыканскае какао...
ЯНКА (
МІКІТА. Мінуўшая політычная, меджду протчым, сытуацыя нічога падобнага нам у пайкох не давала.
СПРАЎНІК. Затое цяперашняя ўсё дасць.
ЯНКА (
МІКІТА. Але пакуль што якое, мне ад сэрца, меджду протчым, хацелася б дастойна пачаставаць і павесяліць высокіх пэрсон.
ДАМА. А ведаеце, мусье Зносілов,— бяду гэту можна лёгка паправіць. У мяне з'явілася цудоўная ідэя: той вечар у вас на імянінах, перад выхадам немцаў, такое мілае ўражанне пакінуў, што я вельмі была б шчаслівай, каб сягоння яго паўтарыць.
МІКІТА. Мадам-сіньёра, я ўвесь да вашых, меджду протчым, услугаў! Значыцца, пачынаем ад пачастунку. Меджду протчым, мамаша, чым хата багата.
ДАМА. О не, мусье рэгістратар, — вы не згадалі! Дзякуючы таму, што мы ўжо частаваліся, паўторым сягоння толькі другую частку програмы таго вечару.
МІКІТА. Танцы, меджду протчым?
ДАМА. Мусье, цяпер вы згадалі! (
ГАЛАСЫ. Згодны! згодны!
ДАМА. А цяпер, мусье Зносілов, дазвольце накруціць грамафон.
МІКІТА. Грамафон... грамафон... меджду протчым, грамафон, мадам-сіньёра, у... у рэпарацыі.
ДАМА. Тады дазвольце мне балалайку.
Мікіта падае.
Я папрашу гэтага мусье (
ЯНКА. Магу сыграць. Калі тут кампанія ваша ўладзіла танцкляс для акупантаў, дзе кожны з іх заходзіць і танцуе сваё «Гоцаца», дык чаму ж бы мне ў гэтым танцклясе і не пайграць.
ДАМА. Вельмі прыемна з вашага боку!
Янка грае вальца. Танцуюць тры пары ў тым самым парадку, што ў першым акце. Поп таксама не танцуе. У пачатку танцаў уваходзяць АЛЕНКА І ГАРОШКА.
З'ява XI
Тыя ж, Аленка, Гарошка.
ПОП (
ТАНЦУЮЧЫЯ (
Паміж Мікітавымі гасцямі перапуд і бегатня.
МІКІТА (
ГАЛАСЫ. Трэба хавацца! Хутчэй! Хавацца! Хавацца!
МІКІТА. Мамзэль Наста, перакульвайце задам наперад абразы.
Наста пераварачвае абразы.
Мадам-сіньёра, хавайцеся сюды! Ваша родзіе, сюды! а вы, пане пан, во сюды! Ацец духоўны, меджду протчым...
ПОП. Не суеціцеся обо мне, сын мой! Моі облачэнія зашчытой мне от всякіх зол земных.
МІКІТА. Меджду протчым, мамаша, я залезу сюды, а вы станьце так, каб мяне засланіць. Вось так! Ну, цяпер можа йсці.
Паўза досыць доўгая. Янка іранічна ўсміхаецца, Аленка пырскае здушаным смехам, Гарошка пыхкае люльку і плюе. Наста порыцца каля абразоў. Уваходзіць ЧЫРВОНААРМЕЕЦ з абломкам стрэльбы.
З'ява XII
Тыя ж, Чырвонаармеец.
ЧЫРВОНААРМЕЕЦ. Ці няможна ў вас, таварышы, перасядзець, пакуль сцямнее? Бо я адстаў ад сваёй часці і толькі ўночы змагу выбрацца з гораду, каб дагнаць сваіх.
МІКІТА (