Читать «Напісанае застаецца: Сучасная беларуская драматургія» онлайн - страница 111
Алесь Петрашкевіч
Завальня. Працы я не баюся, а хто сумленна працуе — таму і Бог дапамагае. Але ніколі не зраблю я ўчынку, ад якога потым на душы цяжка!
Альберт. Ну што ж, возьмем з сабою лёкая.
Завальня. Апамятайцеся, пан Альберт, іменем вашага нябожчыка-бацькі заклінаю!
Альберт. Пойдзеш з намі, Карпа, і будзеш сачыць за гэтым лайдаком-селянінам, каб у поцемках не збег па дарозе. Захопім рыдлёўку, мяхі і ліхтар. Пачакаем, пане Завальня, што вы скажаце, калі я вярнуся з поўнымі мяхамі золата.
Завальня
Карціна шостая
Агапка. Куды гэта яны выбраліся проці ночы? Узялі рыдлёўкі, мяхі.
Няўжо ад гэтага яйка сапраўды залежыць нашае шчасце?
Цмок. Кланяюся маладой гаспадыні! Прыемна будзе выконваць жаданні такой пекнай паненкі.
Агапка. Няўжо ты і ёсць той Цмок, які павінен быў вылупіцца з яйка, знесенага пеўнем, і прыносіць Карпу збожжа і золата?
Цмок. Можа быць. А хто такі Карпа?
Агапка. Лёкай пана Альберт і мой жаніх.
Цмок
Агапка. Але калі ты прынясеш яму грошы, ён заплоціць гаспадару выкуп, стане вольным і багатым.
Цмок
Агапка
Цмок. Дык навошта нам з табой нейкі лёкай Карпа? Я не толькі прыношу збожжа і золата, я магу і цуды тварыць. Пабудую такі палац, пра які апавядаюць у казках, што ўвесь свеціцца золатам і срэбрам, з багатымі пакоямі ў люстэрках і крышталі.
Агапка. Ах!
Цмок. Развяду сад, дзе будуць спець залатыя і срэбныя яблыкі, спяваць райскія птушкі, расці прыгожыя кветкі, ярчэйшыя, чым зоркі на небе.
Агапка. Ах!
Цмок. З'едзецца шмат знакамітых паноў паглядзець на тыя цуды. Ты будзеш мець лепшыя на свеце ўборы і ўпрыгожванні, жыць лепш за каралеву!