Читать «Ирон фæндыр» онлайн - страница 14

Гино

Гино, гино, гис!Иу гæды нæм ис,Хъарм фæлмæн кæрц дары,Къонайыл хуыссы,Аргъæуттæ мысы,Хъал зæрдæйæ зары…

Скъолайы лæппу

   – Кæй фырт дæ?   – Толайы.   – Кæм уыддæ?   – Скъолайы,Алыбон дæр дзы вæййын.   Фæкæсын   А – бе – тæ,   Фæфыссын   Бе – ве – тæ,Ахуыркæнынмæ бæллын.

Фыдуаг

   О, цъиусур,   Ма мæм дзур!   О, рувас,   Ма мæм уас! —Хуысгæ ма кæнын.   О, цæргæс,   Ма мæм кæс!   О,тæрхъус,   Мамæмхъус! —Кæрдзыныл кæуын!

Кæмæн цы

Алы куыстæн – рад.Дзидзидайæн – мад.Хорз фыййауæн – фос;Бирæ фосæн – хос.Хоры кæндæн – зад,Хоры хæрдæн – кад.Сонт рæдыдæн – барст;Хорз зæрдæйæн – уарзт.Рагон мастæн – тад;Загъдкъахæгæн – над.Магусайæн – цæф;Цырд лæппуйæн – кæф!..