Читать «Мудрамер» онлайн - страница 17
Мікалай Матукоўскі
Папсуева
Вяршыла
Папсуева. Толькі цераз мой труп!
Вяршыла. Што з вамі, Тамара Цімафееўна? Адкуль такі страх?
Папсуева. Я баюся не за вас!
Вяршыла. Аза каго? За мудрамер?
Папсуева. За тую высокую інстанцыю, якая… назначыла вас міністрам!
Вяршыла. Не разумею…
Папсуева. Ніхто, у тым ліку вы самі, не мае права сумнявацца ў правільнасці рашэння гэтай інстанцыі! Калі вас назначылі — значыць, вы таго варты!..
Вяршыла
Папсуева. Іменна! Таму ніхто з нас не мае права верыць нейкаму сепаратару больш, чым… Ніхто! Інакш мы можам дакаціцца чорт ведае да чаго!..
Вяршыла. Што ж рабіць у такім разе? Апарат мы абавязаны праверыць… Каб даць сваё заключэнне. Мы сваімі вачамі павінны бачыць яго ў рабоце!
Папсуева
Вяршыла. А калі яны не дадуць згоды?
Папсуева. Трэба зрабіць так, каб яны не зда гадаліся, што гэта праверка.
Вяршыла
Папсуева. Але ж гэта не афіцыйная праверка! Вынікі яе застануцца паміж намі! Мы ім ходу не дадзім!
Вяршыла. Можа, правядзём гэтую працэдуру ў вашым кабінеце?
Папсуева. Можна і ў маім. Але ж яны запісаліся на прыём да вас. I ведаюць, што вы пачалі прыём.
Вяршыла. Добра… Прымаем такое рашэнне… Мы займаемся сваёй справай, а таварыш Мурашка — сваёй…
Мурашка. Віктар Паўлавіч! Мне трэба, каб кожны абавязкова сеў у крэсла з датчыкамі.
Папсуева. Ну, гэта не праблема. Ягор Фёдаравіч! Адсуньце ад стала мяккія крэслы і пастаўце гэтае…
Вяршыла. Мікалай Ягоравіч… Каб не кідацца ў вочы і не выклікаць падазрэння… Сядзьце крыху далей. Вунь за той столік. Вам будзе зручна?
Мурашка. Безумоўна.
Міралюбаў
Вяршыла. А хто будзе пратакол падпісваць? Мы павінны засведчыць усё, што адбудзецца, калегіяльна!.. Нюра, з каго пачнём?
Нюра. Відаць, з бабулі. Восемдзесят два гады. I прыйшла яна самая першая.
Вяршыла. Восемдзесят два?.. Ёй ужо няма куды спяшацца. Давайце пачнём з вынаходцы. Мне ўжо нехта званіў пра яго. Не памятаю хто. Сказалі, што гэта будучы нобелеўскі лаўрэат. У яго нешта незвычайнае… Мікалай Ягоравіч!.. Вы толькі не адразу… Дайце нам пагаварыць з чалавекам. Вырашыць пытанне. А потым ужо, к канцу, уключай цеся.