Читать «Меч Рагвалода» онлайн - страница 9
Алесь Петрашкевіч
Летапісец. «…И тако яша Всеслава на Рши у Смолиньска, преступивше крест. Изяслав же привед Всеслава Кыеву, всади и в поруб с двема сынома…»
III
Iзяслаў (
Не рашыць мне аднаму, што рабіць з Чарадзеем паганым.
Святаслаў. Смерць ваўкалаку і шчанятам яго!.. (
Iзяслаў. Тваё слова, князь Усевалад…
Усевалад (
Iзяслаў. Можа, гэта і была яго асноўная памылка…
Святаслаў. Тым мячом і трэба было знесці галаву не толькі сыну, але і маці яго Рагнедзе. Яе чэрава спарадзіла змея падкалоднага. Яе кроў і ў жылах пярэваратня Усяслава.
Усевалад. Дзед Уладзімір разлічваў мець на Полацкім стале патомнага Рурыкавіча…
Святаслаў. А займеў патомнага Рагвалодавіча. Ён і адрадзіў не толькі полацкую дынастыю, але і Полацкую дзяржаву.
Iзяслаў. Давайце выправім памылку дзеда. З вашай згоды мой меч знясе галовы Рагвалодавічам.
Святаслаў. I чым хутчэй, тым лепш!
Усевалад. Лепш, калі яны бясконца доўга будуць гінуць у порубе. А палачанам тым часам варта было б аб’явіць, калі (
Iзяслаў. А вось у гэтым ужо нешта ёсць…
Святаслаў. Не бачу нічога асаблівага, бо ў Чарадзея апроч нашых вязняў Рагвалода-Барыса і Глеба на волі засталося яшчэ чацвёра ці пяцёра сыноў.
Iзяслаў (
Святаслаў. Гэтых парашыў бы тут, а тых, што хаваюцца на Полаччыне, даручыў бы парашыць Мечыславу. Дынастыя Рагвалодавічаў павінна знікнуць з твару зямлі, калі мы не хочам, каб знікла дынастыя Рурыкавічаў.
Iзяслаў. Меч пры табе?
Святаслаў. Я без мяча не хаджу.
Iзяслаў. Тады ідзі і парашы хоць гэтых…
Усевалад. Дык ён жа яшчэ не на тваім месцы. (
Iзяслаў (
Усевалад. Крыўдзіш, брат.
Святаслаў. Абодвух крыўдзіш… і моцна.
Iзяслаў. Вас пакрыўдзіш… Па сабе ведаю, колькі б Яраславічаў ні было, кожны пра залаты Кіеўскі стол марыць. Сёння яваю — мая мара. (