Читать «Труды по истории Москвы» онлайн - страница 429

Русии самодръжца и при его благоверной царице и великие княгини Марие Григориевне и при их благородных чадех при благоверном царевиче Феодоре Борисовиче и при благоверной царевне Ксение Борисовне второе лето государьства его, и при патриархе Иове Московским (!) и всея Русии и при архимандрите Пафнотие, положил в дом архаггелу Михаилу и чюдотворцу Алексею в Чюдов монастырь конюшей и болярин Дмитрей Ивановичь Годунов за свое здравие и за жену свою Матрону. А Бог по душю сошлет, ино по своей душе и по жене своей Матроне и по своих детех и по своих родителех в вечный поминок. А кто сию святую книгу ис той превеликие лавры бес повелениа пастыря тое обители дерзнет исхитити насильством или каким иным ухищрением изнести, и тогда отлучен будет от славы Сына Божия в сии век и в будущий и вечней муце осужен будет. А взимая сию книгу с повеления пастыря и прочитая с верою обрящет от Бога милость и утеху и оставление грехов в сии век и в будущий. Молю же вы любовию духа господа нашего Исуса Христа, давшаго себе о гресех наших для избавы нашея и вечных благ восприятия, вси раби благословеннаго Бога нашего, аще когда прилучится кому в сию святую книгу Псалтырь вникнути, то и прежде всех воздасть благодать и честь и славу и хвалу виновнику всем благим превеликому и страшному Царю царем и Господу господем, седящему в превысоких святыя славы своея на престоле херувимстем, обстоима бесплотными лики и беспрестани немолчными гласы от тех славимому общему нашему Творцу и Владыце, благим Содетелю жизни нашея в троице славимому Богу нашему, потом же истинному рачителю благочестия болярину Димитрию Ивановичю Годунову да просит милости и отпущения грехов от дающего купно всем человеком. Прежде убо вницающим во святую сию книгу и зрящим на бывшее умныма очима, яко гаданием иманием, ныне же воображено бысть зрящим чювьственыма очима к ползе душевней всем боголюбивым и благочестно житие приходящим, истинным и неблазненым рачителем просвещенным банею духовною, сиречь святым крещением, и праве верующим в триипостасное и нераздельное божество, и всегда жаждущим пити от источника приснотекущаго божественных дагмат, и насытитися от трапезы животнаго хлеба обилно, от великодародателя Бога получю милость и прощение бесчисленных своих грехов. От всех сих слава великодародателю Христу Богу нашему, в Троице славимому во веки и на веки и в некончаемыя веки. Аминь!».