Читать «Эхиней Эхин (Книга Бытия на бурятском языке)» онлайн - страница 8

— Хүн түрэлтэн хаа-хаанагүй ёрото муу хэрэг үйлэдэнэ, тиимэ-һээ Би тэдэниие дууһынь хюдахам. ¹⁴Харин ши һайн шанартай бүхэ модоор абдар мэтэ онгосо өөртөө бүтээжэ, тэрээн соогоо таһалгануудые хээд, онгосынгоо газаа, досоо талые дабирхай-да. ¹⁵ Тэрэшни утаашаа гурбан зуун тохой, хүндэлөөшөө табин тохой, үндэрөөрөө гушан тохой байгуужаг. ¹⁶ Абдар-онгосошни хушалта оройтой байха, хушалта ба ханануудай хоорондо нэгэ тохой зай үлөөгөөрэй. Хажуу талаһаань үүдэ хэхэш. Абдар-онгосошни гурбан дабхартай байгуужан. ¹⁷Амиды хамагые үгы хэхэеэ Би түби дэлхэйдэ уһан галаб — асари ехэ үер буулгахаб.

Энэ дэлхэй дээрэ байгаа амитан бүхыдөө хосорхо. ¹⁸Зүгөөр Би шамтай хэлсээ баталхаб. Тиимэһээ ши абдар-онгосо руу һамгантаяа, хүбүүдтэеэ, бэреэдтэеэ хамта орохош. ^19-20Бүхы амитадһаа — жэгүүртэ шубуудһаа, адуу малһаа, зэрлиг ами-тадһаа түрэл түрэлөөрнь — эрэ, эмые өөртөө абалсахаш. Эдэ шамтай хамта амиды үлэхэ ёһотой. ²¹Өөртөөшье, бэшэндээшье хүрэхөөр элдэб эдеэ абахаш.

²² Бурханай зарлигые Ноах дүүргэхэеэ оролдоо һэн.

Уһан галаб

7

¹ Эзэн Ноахда айладхаба:

— Зай, гэр бүлэеэ абаад, абдар-онгосо руугаа оро. Энэ үеын зоной дунда гансал шамайе Би үнэн зүб юумэ хэхэ-еэ эрмэлзэжэ ябадаг, гэм зэмэгүй хүн гэжэ хаража байнаб.

² Онгосодо ороходоо, ши бузаргүй амитадһаа эрэ, эмые, хамта дээрээ нэгэ түрэлэй долоон эрэ, эмэ зүйлые, тиихэдэ бузартай Ф амитадһаа түрэл түрэлөөрнь хоёролжон зүйлые нэгэ нэгээр

абаарай.³ Шубуудай янза бүриин долоон зүйлнүүдые хоёрлон абдар-онгосо руугаа абахаш. Иигэжэ түби дэлхэйдэ амитадай, шубуудай уг бү таһалдаг. ⁴ Долоон хоногой удаа Би энэ дэлхэй-дэ үер бороо оруулжа эхилхэб. Дүшэн үдэр, дүшэн һүни тэрэ үргэлжэлхэ. Иигэжэ Би Өөрынгөө бии болгоһон хамаг амита-дые газар дайдаһаа үгы хэн хюдахаб.

⁵ Эзэнэй зарлигые Ноах дүүргэхэеэ оролдоо һэн.

⁶ Уһан галабай эрьеһэн тэрэ үедэ Ноах зургаан зуу наһатай бай гаа.

⁷Уһан галабай эрьехын урдахана Ноах, һамганиинь, мүн хү-бүүдынь, бэреэдынь абдар-онгосо руу хорон оробо. ^8-9Бурханай зарлигаар Ноах янза бүриин сээртэй, сээргүй ан амитадые, мүлхигшэдые, жэгүүртэниие абдар-онгосодоо хоёр-хоёроор оруул ба.

¹⁰ Долоон хоног үнгэрөөд, дэлхэй дээрэ уһан галаб эхилбэ.

¹¹ Ноахай зургаан зуудахи наһанда, жэлэй хоёрдохи һарын ар-бан долоондо оёоргүй гүн гүнзэгыһөө, мүн огторгойн орьёлһоо уһан адхараад, ¹²аадар бороо түби дэлхэйдэ дүшэн үдэр, дүшэн һүни орожол байба. ¹³ Уһан галабай эхилһэн үдэр Ноах һам-

гантаяа, Шеэм, Хаам, Еэпэт хүбүүдтэеэ, гурбан бэреэдтэеэ абдар-онгосо руу оробо. ¹⁴ Мүн энэ дэлхэйдэ амидардаг янза бүриин тэжээмэл, зэрлигшье амитад, мүлхигшэд, шубууд он-госо руу оробо. ¹⁵Амин голтой гэдэг зүйл бүриин амитад хоёр хоёроороо Ноахтай хамта иигэжэ абдар-онгосо руу ороо бэлэй.

¹⁶ Тиигэжэ айладхалай ёһоорнь янза бүриин амитадые эрэ, эмээрнь хоёр хоёроор Ноахай абдар-онгосо руу оруулһанай удаа Эзэн Бурхан онгосын үүдэ хааба.

¹⁷ Галабай эхилһээр дүшэн хоног соо уһан улам нэмэжэ, абдар-онгосонь долгиндо абтан, тамаран урдаба. ¹⁸Уһан ехэ үер болоһоор хамаг газар дэлхэйе шэнгээбэ. Абдар-онгосо ойро тойронгоо тамаржал байба.