Читать «Эхиней Эхин (Книга Бытия на бурятском языке)» онлайн - страница 10

²² Түби дэлхэйн байгаа сагта хододоо үрэһэ тариха, ургаса ху-ряаха уларил, үбэлэй хүйтэн, зунай халуун, үдэр, һүнинүүд таһарангүй байг лэ.

9

¹ Бурхан Ноахые ба хүбүүдыень үреэбэ:

— Үри хүүгэдээр үнэр үдхэн боложо, энэ дэлхэйе хүн амитадаар дүүргэгты. ²Газар дайдын бүхы ан амитад, тэнгэ-риин жэгүүртэд, далайн загаһад хүн таанадһаа айжа һүрдэжэ байг: эдэнэр булта танай захирал мэдэлдэ үгтэнэ. ³ Урда тээнь ногоо ургамал таанадта үгэһэн мэтээр бүхы эдэ амитадые таанадта эдеэ хоол болгон үргэнэб. ⁴ Зүгөөр хо рюул тай нэ гэл юумэн байха: шуһатай мяха бү эдигты. Энээниие хориноб, юундэб гэхэдэ, амитанай амин гээшэ шуһан соонь оршодог.

⁵ Харин хүнэй ами наһа таһалдуулһанай түлөө Би шуһа ад-хагшаһаа — арьяатаншье байг, аха дүүгээ хорооһон хүншье байг, хатуу хэмжээ абахаб. ⁶ Хэрбээ хэн нэгэн хүниие алаа һаа, өөрөө алуулха. Юундэб гэхэдэ, хүн гээшэ Минии, Бурханай, түһөөгөөр бии болгогдоһон юм. ⁷ Оло шо рон, үнэржэн ябаг ты, түби дэлхэйе эзэмдэн ажаһуухатнай болтогой!

⁸ Бур хан Ноах да, тэ рэ нэй хү бүүд тэ ай лад ха ба:

⁹ — Би таанадтай болон таанадай үри һадаһадтай хэлсээ батал-наб. ¹⁰ Мүн баһа абдар-онгосо сооһоо гараһан хамаг амитадтай: шубуудтай, адууһа мал, ан арьяатадтай — түби дэлхэйн бүхы амитадтай хэлсээ баталнаб. ^пСоносогты: энээнһээ сааша үерэй уһан ажамидарал үрэбхихэгүй, энээнһээ сааша уһан галаб газар дэлхэйе хохидоохогүй. ¹²Минии таанадтай мүн бүхы амитадтай хэтэ мүнхын хэлсээнэй һүлдэ тэмдэг иимэ байха: ¹³үүлэд соо өөрынгөө номо-һолонго үлгэбэб. Энэ болбол газар дэлхэйн амитадтай Минии баталһан хэлсээнэй гэршэ тэмдэг. ¹⁴Газар дээгүүр үүлэдые бөөгнэрүүлэн суглуулхадам, дун дуурнь һо-лонго толорхо. ¹⁵Тиихэдэнь Би таанадтай ба хамаг амитадтай баталһан Өөрынгөө хэлсээн тушаа һанахаб — амитан олониие хосороогшо асари үер бэшэ тохёолдохогүй. ¹⁶Үүлэн соогуур һо-лонгын толорхые харахадаа, түби дэлхэйдэ ажамидарагшадтай хэһэн Өөрынгөө хэтэ мүнхын хэлсээе һанахаб. ¹⁷ Энэ болбол түби дэлхэй дээр ажамидарагшадтай Минии баталһан хэлсээ-нэй гэршэ тэмдэг мүн.

Ноахай хүбүүн Хаамай нүгэл

¹⁸ Абдар-онгосо сооһоо гараһан Ноахай хүбүүд гэбэл, Шеэм, Хаам ба Еэпэт. Хаамынь хожом Ханаһаан гэдэг хүбүүтэй болоо һэн. ¹⁹ Ноахай эдэ гурбан хүбүүдһээ түби дэлхэйн хүн түрэлтэн үнэржэһэн юм.

²⁰ Ноах газар элдүүрилжэ, виноградай сэсэрлиг таряад, ²¹ нэгэн удаа виноградай дараһан архи уужа, һогтоһондоо хубсаһаа тайлажа ха яад, гэр тээ сал да га ню сэ гэн унтажа бай гаа ха.

²² Ханаһаанай эсэгэ болохо Хаам нюсэгэн эсэгэеэ хараад, аха-нартаа дуулгаба. ²³Тиихэдэнь Шеэм Еэпэт хоёр нэмэргэнүүдые хэдэрээд, ара нюргаараа майхан руу ороод, эсэгынгээ нюсэгэн бэедэ нэмэргэ хаяба. Тэдэнэр хажуу тээшээ зорюута хаража, эсэ-гынгээ нюсэгые обёороогүй һэн. ²⁴Ноах тэлэрхэдээ, бага хүбүүн Хаамайнгаа юу хэһые мэдэжэ, ²⁵ иигэжэ хэлэбэ:

— Хаам, шинии хүбүүн Ханаһаанай уг удам хараалда хүртэбэ!

Тэдэ Шеэм, Еэпэдэй үри һадаһадай богоол болохо!