Читать «Православная Пасха. Светлое Христово Воскресение» онлайн - страница 51

Пасхальный канон считается выдающимся произведением христианской словесности. Поют его на Пасху уже не одно столетие, поскольку в нем заключена и ярко, основательно, подробно передана основная мысль праздника Воскресения Христова. Он помогает верующим принять праздник душою и сопереживать это событие.

Во время исполнения песен священнослужители обходят храм, совершают каждение, приветствуют прихожан: «Христос воскресе!» Верующие отвечают: «Воистину воскресе!» Многочисленное обхождение священниками храма символизирует частые явления Христа апостолам после Воскресения.

Пасхальный канон

Глас 1

ПЕСНЬ 1

Ирмос: Воскресения день, просветимся, людие: Пасха, Господня Пасха! От смерти бо к жизни и от земли к небеси Христос Бог нас преведе, победную поющия.

Припев: Христос воскресе из мертвых.

Очистим чувствия и узрим неприступным светом Воскресения Христа блистающася, и радуйтеся рекуща, ясно да услышим, победную ноюще.

Небеса убо достойно да веселятся, земля же да радуется, да празднует же мир, видимый же весь и невидимый: Христос бо воста, веселие вечное.

Таже ектениа и возглас: Яко Твоя держава, и Твое есть Царство, и сила, и слава Отца и Сына и Святаго Духа, ныне и присно и во веки веков.

ПЕСНЬ 3

Ирмос: Приидите, пиво пием новое, не от камене неплодна чудодеемое, но нетления источник, из гроба одождивша Христа, в Немже утверждаемся.

Ныне вся исполнишася света, небо же и земля, и преисподняя: да празднует убо вся тварь востание Христово, в немже утверждается.

Вчера спогребохся Тебе, Христе, совостаю днесь воскресшу Тебе, сраспинахся Тебе вчера. Сам мя спрослави, Спасе, во Царствии Твоем.

Таже ектениа, и возглас: Яко Ты еси Бог наш, и Тебе славу возсылаем, Отцу и Сыну и Святому Духу, ныне и присно и во веки веков.

ИПАКОИ, ГЛАС 4

Предварившия утро яже о Марии, и обретшия камень отвален от гроба, слышаху от Ангела: во свете присносущнем Сущаго с мертвыми что ищете, яко человека? Видите гробныя пелены, тецыте и миру проповедите, яко воста Господь, умертвивый смерть, яко есть Сын Бога, спасающаго род человеческий.

И чтение в Григории Богослове, егоже начало: На стражи моей стану: По чтении же паки вжигают свещи братия.

ПЕСНЬ 4

Ирмос: На Божественней стражи богоглаголивый Аввакум да станет с нами и покажет светоносна Ангела, ясно глаголюща: днесь спасение миру, яко воскресе Христос, яко Всесилен.

Мужеский убо пол, яко разверзый девственную утробу, явися Христос: яко человек же, Агнец наречеся: непорочен же, яко невкусен скверны, наша Пасха, и яко Бог истинен совершен речеся.

Яко единолетный агнец, благословенный нам венец Христос, волею за всех заклан бысть, Пасха чистительная, и паки из гроба красное правды нам возсия Солнце.