Читать «Эхиней Эхин (Книга Бытия на бурятском языке)» онлайн - страница 13

²¹ Сэрүүг хүбүүнэй түрэһэнэй хойно Реһүү хоёр зуун долоон жэл ажаһуужа, хэдэн хүбүү, басагадтай болоод, наһа бараа һэн.

²² Сэрүүг гушатай байхадаа, Нахоор гэжэ хүбүүтэй болобо.

²³ Энээнэй удаа Сэрүүг үшөө хэдэн хүбүү, басагатай болоод, үшөө хоёр зуун жэл ажаһуугаад, гээгдээ бэлэй.

²⁴ Нахоор хорин юһэтэй байхадаа, Теэрах гэжэ хүбүүтэй боло-бо. ²⁵ Тэрэ сагһаа хойшо Нахоор зуун арба юһэн жэл ажаһуугаад, үшөө хэдэн хүбүүд, басагадтай болоод, нүгшэбэ.

²⁶Теэрах далатай байхадаа, Авраам, Нахоор ба Һараан гэдэг гур бан хү бүү тэй бо ло бо.

^27-28 Энэ болбол Теэрахай угай бэшэг юм. Авраам, Нахоор, Һа-раан гэгшэд Теэрахай гурбан хүбүүд болоно. Тэдэ Вавилоной дэргэдэ оршодог Үүр гэжэ хотодо амидардаг байгаа. Һараан Лоот гэдэг хүбүүтэй, Милка, Иска гэдэг хоёр басагатай болоод, наһа бараа бэлэй. Тэрэ үедэ Теэрах эсэгэнь амиды мэндэ ябаа.

²⁹ Нахоор түрэһэн дүү Һараанайнгаа басаган Милкае, Авраам Саара гэдэг басагые һамга абабад.

³⁰ Саара үхибүү түрэдэггүй, хээлитэй боложо шададаггүй байгаа.

³¹ Теэрах Авраам хүбүүгээ, аша хүбүүгээ — Һараанай Лоот гэжэ хүбүүе, бэриеэ — Авраамай һамган Саарые абаад, Ханаһаан орон руу нүүжэ ошохоёо Вавилоной дэргэдэхи Үүр хотоһоо гараба. Гэбэшье эдэнэр замдаа тогтожо, Хараан хотодо хүрөөд, тэндээ байрлаа һэн. ³²Теэрах тэндэ ажаһуужа, хоёр зуун таба наһатай-даа нүгшэһэн юм.

Авраһаам Авраамые Эзэн Бурханай шэлэлгэ

12

¹ Нэгэтэ Эзэн Авраамда иимэ айладхал буулгаба:

X ^ — Өөрынгөө нютаг, түрэлхидөө, эхэ эсэгын гэр байра орхи. Минии зааһан газар дайда ошо. ²Би шамһаа үнэр үдхэн агууехэ арадые бии болгохоб, үреэхэб, шамай нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха.

³ Хэн шамайе үреэнэб — тэрэниие Би үреэхэб!

Хэн шамайе хараанаб — тэрээндэ хараал хүртөөхэб!

Шамаар дамжуулан Би орон дэлхэйн бүхы арад зониие аза жаргалтай болгохоб!

⁴ Иигэжэ Авраам Эзэнэй зарлигаар харгы замда гараба; тэ-рээнтэй хамта дүүгэйнь хүбүүн Лоот ябалсаба. Хараанһаа гарахадаа Авраам далан таба наһатай байгаа. ⁵Тэрэ Саара һам-гаяа, дүүгэйнгээ хүбүүн Лоодые мүн Хараанда олоһон хамаг эд зөөриеэ, зарасанараа бултыень абаад, тэдэнтэеэ Ханаһаан нютаг зорибо.

⁶ Тэрэ үедэ Ханаһаан нютагые ханаһаан обогойхид эзэлжэ бай гаа.

Авраам Ханаһаанай урда зүгтэ оршодог Шехем гэжэ хотын хажуудахи Морэ гэдэг газарта ерээд, нэгэ сарса модоной дэр-гэдэ хонобо.

⁷Тэндэ Эзэн Авраамда үзэгдэжэ, иигэжэ айладхаба:

— Би энэ газар дайдые шинии үри һадаһадта үгэхэб!

Иигэжэ өөртэнь үзэгдэһэн Эзэниие хүндэлжэ байһанаа

элирхэйлэн, мал үргэл болгон шатааха шулуун шэрээ Авраам тэндэ түхеэрбэ.

⁸ Һүүлээрынь Авраам тэндэһээ урагшаа ябажа, Бейт-Ээл хотын зүүн талада оршодог хада уулатай газарта ерэжэ, май-ханаа табиба. Тэндэһээ баруун зүгтэ Бейт-Ээл, зүүн зүгтэ Ай хото оршодог байгаа. Авраам тэндэ үшөө нэгэ үргэлэй шулуун шэрээ түхеэрэн баряад, Эзэндэ зорюулжа мал хёрбо-һолон үргөөд, Эзэниие хүндэлжэ байһан тухай үгэнүүдые хэ-лэ бэ.