Читать «Житие священноисповедника Луки, архиепископа Симферопольского и Крымского. Святитель-хирург» онлайн - страница 22

По инициативе и при участии руководства Саратовского государственного медицинского университета, медицинского персонала 3-й городской клинической больницы города Саратова в 2007 году было начато строительство храма во имя святителя Луки (Войно-Ясенецкого). Первый символический камень в основание храма после совершения молебна заложили Епископ Саратовский и Вольский Лонгин, ректор СГМУ П.В. Глыбочко и главный врач больницы В.В. Рощепкин. Строительство храма шло быстрыми темпами, и уже 10 июня 2009 года, в день празднования 100-летия открытия университета, накануне дня памяти святителя Луки, было совершено освящение храма и первая Литургия в нем.

Тропарь, кондак, величание

Тропарь, глас 1

Возвестителю пути спасительнаго, / исповедниче и архипастырю Крымския земли, / истинный хранителю отеческих преданий, / столпе непоколебимый, Православия наставниче, / врачу богомудрый святителю Луко, / Христа Спаса непрестанно моли, / веру непоколебиму православным даровати, // и спасение, и велию милость.

Кондак, глас 1

Якоже звезда всесветлая, добродетельми сияющи, / был еси, святителю, / душу же равноангельну сотвори, / сего ради святительства саном почется, / во изгнании же от безбожных много пострада, / и непоколебим верою пребыв, / врачебною мудростию многия исцелил еси. / Темже ныне честное тело твое от земленных недр обретенное дивно Господь прослави, / да вси вернии вопием ти: / радуйся, отче святителю Луко, // земли Крымския похвало и утверждение.

Величание

Величаем тя, / исповедниче Христов, святителю отче наш Луко, / и чтим святую память твою, / ты бо молиши о нас // Христа Бога нашего.

Канон священноисповеднику Луке, архиепископу Симферопольскому и Крымскому

Глас 8

Песнь 1

Ирмос: Дивному Богу величия принесем, и великолепно с нами да воспоют земля и небо ясно славу Его.

Святительский престол во граде Симферополе украси светло, в немже пожив, яко Ангел, святым житием и учением Божественным освятил еси люди, да вси приносят величия Божия и поют славу Его.

Вседержителя и Господа о нас моли, святителю Луко, даровати нам оставление прегрешений, да с тобою дивному Богу величия принесем и воспоем славу Его.

Явился еси ныне в памяти твоей Крымстей пастве, исповедниче Христов, столп непоколебимый и стено нерушимая, болящим утешение, грешников споручниче, Богу величия принося и воспевая славу Его.

Богородичен: Тя призывающим спасительное еси Пристанище и Покров, Богородительнице Пречистая, темже от души призываем Тя тепле: Владычице, спаси ны и научи нас дивному Богу величия приносити и воспевати славу Его.

Песнь 3

Ирмос: Уподоби мя, Христе, умно горе Сионстей, возвысивый и утвердивый в надежди о Тебе и искапавый росу благодати, Человеколюбче.

Источил еси, святителю, учения реки благодатныя и всяку душу благочестивых напоил еси, многия исцелил еси и о всех усердне молился, да искапает росу благодати Своея Человеколюбец.

Труды твоими, яко добрый пастырь, святителю Луко, указал еси людем путь в Царство Небесное и за подвиги твоя от Бога венчан славою на небеси, Егоже моли, да ниспослет и нам росу благодати Своея Человеколюбец.