Читать «Мечта о русском единстве. Киевский синопсис (1674)» онлайн - страница 93

В начале Киевский Полковник Константин Дмитровичь Солонина, Черниговский Василий Борковский, Переяславскому Полковнику Вуици Сербину бывшу в то время на стражи вниз Днепра, Нежинский Иаков Жураховский, Прилуцкий Димитрий Чернавский, Стародубовский Григорий Карповичь, Лубенский Максим Ильяшенко, а Гадяцкий Полковник Михаил Васильевичь, Полтавский Феодор Жученко, и Миргородский Павел, с полками своими бяху на стражи внизу Днепра от поль Татарских, и иныи многии полки войска его Царскаго пресветлаго Величества Запорожскаго, комонныи (копные), компанейскии и пехотныи сердюки, (от добраго наипаче сердца тако нареченныи), добрыи воины. Комонный полк под правлением Полковника своего Илии Новицкаго зде же под Киевом бяше: а полк комонный же под властию Полковника своего Иакова Павловскаго в полк Полтавский бяше послан, ради стражи от Татарских и всяких непрительских находов. Полковник же Иаков Корицкий с своим полком комонным, и иныи многии пехотныи войска отпущены бяху на Запорожье в помощь Атаману Кошовому Ивану Серкови, идеже Государевыми ратьми с низовыми и городовыми войсками крепко противляхуся, по силе своей дающе отпор Турком и Татаром.

Над полками же пехотными сердюцкими бяху сии Полковники: Полковник по имени Андрей Ребриковский, Полковник Петр Кожуховский, Полковник Герасим Василенко, Полковник Василий Иваней.

Все же вышереченныи войска сошедшися под Киевом, по обою страну Днепра обозами своими стояще, всячески ожидаху тщеславнаго онаго супостата Бесурмана; но он провидев о толиких силах его Царскаго пресветлаго Величества и о всякой готовости их к брани, абие ужаснуся нечестивый, и аки некая змия устрашенная, спрята в себе гордую свою главу и овогда воздвизаше ю, студа ради своего пущая гласы, аки дерзновенно грядет с Бесурманскими силами своими, овогда паки сокрываше ю, аки нарочно утаевая поход свой; наипаче многообразне хитростнаго коварства употребляше, да возможет прельстити силы его Царскаго пресветлаго Величества, яко бы им разыйтися от Киева, а ему прелестнику внезапу напасти на Киев. Благоразумныи же вожды воинств его Царскаго пресветлаго Величества, Богом умудряеми и указом Государевым наставляемы, всю Бесурманскую злохитрную прелесть уразумевше, все лето стояху ополчены окрест Киева с великим опасением всячески поганых прихода, или подхода ожидаху. Тогда же и мосты на Днепре под Киевом пространные и крепкие, каковые от древних времен не бяху, по Государеву указу мудрым мастером ратныи Царскаго Величества стрельцы строением Стольника и Полковника Стефана Ивановича Янова, на стругах, на якорях и на канатах удобнаго ради и скорейшаго перехода противу супостатов соделаша.

Видящи же суеумный он прелестник Бесурманин, яко в намерении и коварстве своем отнюдь поползеся и востати не возможе, паки некую прелестную вину на удержание сил своих от похода к брани соши, студ покрывая, аки вотще силы Царскаго Величества вменяя и ругаяся издалече в своих странах, убояся итти под Киев близу в очи мужественным воем Христианским посмотрети.