Читать «Святая великомученица Екатерина» онлайн - страница 26

Синайская икона «Святая великомученица Екатерина с житием» вскоре после создания стала широко известна. Уже в середине XIII века она послужила образцом для итальянского живописца, создавшего алтарный образ святой в Пизе. Принципиальное значение имел статус иконы как главного образа у гробницы великомученицы, к которой стекались паломники, распространявшие славу святой по всему христианскому миру.

АКАФИСТ. КАНОН СВЯТОЙ ВЕЛИКОМУЧЕНИЦЕ

ЕКАТЕРИНЕ

 АКАФИСТ СВЯТОЙ ВЕЛИКОМУЧЕНИЦЕ ЕКАТЕРИНЕ

Кондак 1

Избра́нную и венча́нную деву мученицу, невесту Христову Екатерину, похва́льными пе́сньми воспои́м, яко пресла́вную мучителя победи́тельницу и прему́друю фило́софов наста́вницу: ты же, великому́ченице Екатери́но, иму́щи дерзнове́ние ко Господу, приклони́ся ми́лостивне к благопотре́бным проше́ниям зову́щих ти:

Ра́дуйся, Екатери́но, неве́сто Христо́ва прему́драя.

Икос 1

 Ангелом ра́вную чистоту́ иму́щи, свята́я дево Екатери́но, с Ангелы Боже́ственнаго озаре́ния сподо́билася еси, с ними же воспева́ющи Трисвяту́ю песнь, услы́ши нас, пою́щих тебе на земли́ сия́:

Радуйся, честно́е святы́ни жили́ще; радуйся, чуде́сное зна́мение сбы́вшагося на тебе Бо́жия Про́мысла.

Радуйся, благоволе́ния о́тча сосу́де; радуйся, страда́ний Христовых исполне́ние.

Радуйся, чи́стое Духа Свята́го обита́лище; радуйся, све́том благочести́выя ве́ры просвети́вшаяся.

Радуйся, свято́ю купе́лию отрожде́нная; радуйся, измы́вшая ри́зы своя́ в Крови́ А́гнчей на земли́.

Радуйся, ликующая со священными девами на Небеси; радуйся, Екатери́но, невесто Христова премудрая.

Кондак 2

Ви́дящи Екатери́на себе́ виде́ния сподо́бльшуюся, тече́ к святому ста́рцу, ико́ну ей Богома́тере пре́жде того́ вручи́вшему, и пове́да ему, ка́ко отвраща́ше лице́ Свое ей яви́выйся с Пречистою Своею Ма́териею Христос, ка́ко безу́мну и ни́щу и худоро́дну ю́ наре́к, до́ндеже не оста́вит и́дольскаго нече́стия. Преподо́бный же, слы́шав сия́, наста́ви  ю́ в та́инствах ве́ры и крести́  ю́. Она же во обновле́нии ду́ха благода́рно поя́ше Богу: Аллилуиа.

Икос 2

Разум благи́й, благоро́дство и́стинное, бога́тство неги́блющее стяжа́вши в духо́вном отрожде́нии, святая Екатери́но, достойна яви́ся Небе́снаго Жениха́ Христа, Иже, па́ки яви́вся ей, возлюби́ ю́ и даро́ванным пе́рстнем в неве́сту Себе обручи́. Она же, позна́вши тако́е к ней благоволе́ние Бо́жие, та́ко уязви́ся любо́вию Его, яко не му́дрствоваше бо́лее о земны́х веща́х, но о Возлю́бленном свое́м непреста́нно мы́сляше. Таково́й благода́ти сподо́бльшаяся слы́ши от нас: