Читать «Преподобные Лонгин и Христофор Коряжемские и их жизнеописание» онлайн - страница 28

С Божией помощью удалось найти и восстановить колодец, некогда выкопанный преп. Лонгином. Над ним построена надкладезная часовня. На месте разрушенного Благовещенского собора, начиная с февраля месяца 1997 года, ведется строительство колокольни. Приобретает свой первоначальный вид Спасская церковь.

Община пребывает в твердой надежде, что Промысл Божий внушит христолюбивым благодетелям принять участие в устроении храма для прославления имени Божия чрез угодника Его Лонгина, в Коряжме почивающего.

Для ремонтно-реставрационных работ требуются огромные средства. Испокон веков такие здания возводились на народные пожертвования. Очень верим в отзывчивость, щедрость и наших современников и надеемся получить от них безвозмездную помощь.

Акафист преподобному отцу нашему Лонгину Коряжемскому

АКАФИСТ преподобному отцу нашему Лонгину игумену Коряжемскому, чудотворцу

Кондак 1

Избранный Господом от юности быти сокровищницею Его благодати, преподобне отче Лонгине, с верою, надеждою и любовию припадаем к раце честных мощей твоих, ты же, яко имеяй велие дерзновение ко Господу, свобождай нас от всякаго зла, да со умилением зовем ти: Радуйся, Лонгине, заступниче наш и предивный чудотворче.

Икос 1

Ангела нравом, аще и человек бе, зрим тя, преподобне: ты бо, от юности к житию иноческому влекомый, токмо в летех совершенных пришел еси во обитель Павло-Обнорскую и ту поселился еси. Испытанный же во всяцем послушании, удостоен был еси образа ангельска и прилагал еси труды к трудом, подвизая взывати тебе:

Радуйся, измлада единого на потребу искавый; радуйся, послушанием безропотным гордость в себе искоренивый.

Радуйся, отречением от благ земных всякаго стремления к любостяжанию избежавый; радуйся, исполнением неуклонным устава иноческаго от всех обычаев мирстих ся оградивый.

Радуйся, преподобнаго Павла Обнорскаго в пример себе поставивый; радуйся, в преподобном Симоне друга по сердцу твоему избравый.

Радуйся, душеполезными беседами с другом тем яко пищею здравою себе питавый; радуйся, пример сицеваго согласия всем иноком показавый.

Радуйся, Лонгине, заступниче наш и предивный чудотворче.

Кондак 2

Видяще, яко многолюдие обители Павло-Обнорския нарушало тишину жития иноческаго и вело к некиим нестроениям, ты, преподобне, от всея души возжелал еси удалитися из обители в пустыню, да в тишине оныя чистым сердцем воспоеши Спасителю Богу: Аллилуиа.

Икос 2

Разумом, в иночестве умудренном, познал еси, преподобне, сладость безмолвия пустыннаго и купно с другом Симоном отшел еси в весь Сольвычегодску, идеже друг той, яко зде рожденный, восхоте показати тебе место, пустынному житию потребное, ты же, яко пустынножитель совершенный, отходя из обители Павловы, приял еси с собою токмо един крест древяный, данный ти в благословение от обители Павловы. Прославляя сицевое твое произволение, взываем ти: