Читать «Б о ж ь я А П Т Е К А . Лечение заболеваний позвоночника. (божьяаптека-)» онлайн - страница 3

Скорый в заступлении един сый, Христе, скорое свыше покажи посещение страждущему рабу Твоему (имя), и избави от недуг и горьких болезней, и воздвигни во еже пети Тя и славити непрестанно, молитвами Богородицы, Едине Человеколюбие.

Кондак

На одре болезни лежащего и смертною раною уязвленнаго, якоже иногда воздвиг ЕС, Спасе, Петрову тёщу и разслабленнаго, на одре носима-го; сице и ныне, Милосерде, страждущаго (имя) посети и исцели: Ты бо един еси недуги и болезни рода нашего понесый и вся могий, яко Многомилостив.

Молитвы ко Пресвятой Богородице Молитва

Пресвятая Богородице, всесильным заступлением Твоим помоги мне умолить Сына Твоего, Бога моего, об исцелении раба Божия (имя).

Молитва

Царице моя преблагая, надеждо моя Богородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь; помо-зи ми яко немощну, окорми мя яко странна. Обиду мою веси, разреши ту, яко волиши; яко не имам иныя помощи, разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Кондак

Не имамы иныя помощи, не имамы иныя надежды, разве Тебе, Пречистая Дево, Ты нам по-мози, на Тебе надеемся и Тобою хвалимся, Твой бо есмы раби, да не постыдимся.

Величание

Величаем Тя, Пресвятая Дево, Богоизбранная Отроковице, и чтим образ Твой святый, имже то-чиши исцеления всем с верою притекающим.

Молитвы ко святым Божиим Святому великомученику и целителю Пантелеимону

О великий угодниче Христов, страстотерпче и врачу многомилостивый Пантелеимоне! Умилосер-дися надо мною, грешным рабом, услыши стенание и вопль мой, умилостиви Небеснаго Верховна-го Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи их елеем милости твоея и исцели мя; да здрав сый душею и телом, остаток дней моих, благода-тию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.

Тропарь

Страстотерпче святый и целебниче Пантелеи-моне, моли Милостиваго Бога, да прегрешений оставление подаст душам нашим.

Святому преподобному Сампсону странноприимцу

О теплый молитвенниче, благостный отче, преподобне Сампсоне! Моли Бога о мне грешнем, и низпосли от Всеблагаго Владыки помощь ми и избавление, привременна бо есть жизнь моя и исполнена труда, скорбей и болезней.